ரெயிலில் அடிபட்டு பெண் சாவு

நாங்குநேரி:

நாங்குநேரி- வள்ளியூர் இடையே உள்ள பட்டர்புரம் ரெயில்வே தண்டவாளம் அருகே நேற்று மாலை 65 வயது மதிக்கத்தக்க பெண் ஒருவர் பிணமாக கிடந்தார். இதுபற்றி தகவல் அறிந்ததும் நாங்குநேரி போலீசாரும், நாகர்கோவில் ரெயில்வே போலீசாரும் சம்பவ இடத்துக்கு சென்று விசாரணை நடத்தினார்கள். அப்போது அந்த வழியாக வந்த ரெயில் ஒன்றில் அவர் அடிபட்டு இறந்தது தெரியவந்தது. உடனே போலீசார் அவரது உடலை கைப்பற்றி பரிசோதனைக்கு அனுப்பி வைத்தனர். அந்த பெண் யார்? எந்த ஊரைச் சேர்ந்தவர்? என விசாரணை நடத்தி வருகின்றனர்.