மோட்டார் சைக்கிளில் இருந்து தவறி விழுந்த பெண் சாவு

ரிஷிவந்தியம்

பகண்டை கூட்டு ரோடு அருகே உள்ள மையனூர் கிராமத்தை சேர்ந்தவர் தேவராஜ் மனைவி கொளஞ்சி(வயது 49). இவர் சம்பவத்தன்று அவரது கணவருடன் மோட்டார் சைக்கிளில் பகண்டை கூட்டு ரோடு வந்துவிட்டு மீண்டும் இருவரும் வீடு நோக்கி சென்று கொண்டிருந்தனர். ஏந்தல் பஸ் நிறுத்தம் அருகே வந்தபோது மோட்டார் சைக்கிளில் இருந்த கொளஞ்சி எதிர்பாரதவிதமாக தவறி கீழே விழுந்தார். இதில் படுகாயம் அடைந்த அவரை அக்கம்பக்கத்தினர் மீட்டு சிகிச்சைக்காக சேலம் அரசு ஆஸ்பத்திரியில் சேர்த்தனர். அங்கு சிகிச்சை பலன் இன்றி கொளஞ்சி பரிதாபமாக இறந்தார். இது குறித்த புகாரின் பேரில் பகண்டை கூட்டு ரோடு போலீசார் வழக்குப்பதிந்து விசாரணை நடத்தி வருகிறார்கள்.