வாகனம் மோதி பெண் பலி

திருமங்கலம்,

திருமங்கலம் அருகே பெரிய செங்குளம் கிராமத்தைச் சேர்ந்தவர் அய்யாவு. இவருடைய மனைவி மூக்கம்மாள் (வயது 80). கூலித்தொழிலாளி. இவர் செங்குளம் அருகே உள்ள நான்கு வழிச்சாலையை கடக்க முயன்ற போது அடையாளம் தெரியாத வாகனம் மோதியது. இதில் பலத்த காயம் அடைந்து திருமங்கலம் அரசு மருத்துவமனையில் சிகிச்சைக்கு அனுமதிக்கப்பட்டு மேல் சிகிச்சைக்காக மதுரைக்கு கொண்டு செல்லப்பட்டார். சிகிச்சையில் இருந்த அவர் சிகிச்சை பலனின்றி இறந்தார். இதுகுறித்து அவரது மகன் கண்ணன் கொடுத்த புகாரின் பேரில் திருமங்கலம் நகர் போலீசார் வழக்குப்பதிவு செய்து விசாரித்து வருகின்றனர்.