வாகனம் மோதி பெண் பலி

ராதாபுரம்:

ராதாபுரம் அருகே உள்ள சமூகரெங்கபுரம் தெற்கு ஊரை சேர்ந்தவர் வேலு மனைவி மாசாணம் (வயது 58). இவர் சற்று மனநலம் பாதிக்கப்பட்டு இருந்ததாக கூறப்படுகிறது. நேற்று முன்தினம் இவர் அதே பகுதியில் திருச்செந்தூர்-வள்ளியூர் மெயின் ரோட்டில் நடந்து சென்றபோது, அடையாளம் தெரியாத வாகனம் மோதியது. இதில் மாசாணம் தூக்கி வீசப்பட்டு சம்பவ இடத்திலேயே பரிதாபமாக இறந்தார். இதுகுறித்து தகவல் அறிந்ததும் ராதாபுரம் போலீசார் சம்பவ இடத்துக்கு சென்று அவரது உடலை கைப்பற்றி பிரேத பரிசோதனைக்காக நாகர்கோவில் ஆசாரிபள்ளம் அரசு மருத்துவமனைக்கு அனுப்பி வைத்தனர். மேலும் வழக்குப்பதிவு செய்து விசாரணை நடத்தி வருகின்றனர்.