பெண்ணிடம் 7 பவுன் நகை பறிப்பு

பீளமேடு

கோவை சின்னியம்பாளையம் அருகே உள்ள பூபதி தெருவை சேர்ந்தவர் ஹேமலதா (வயது 42), ஜவுளிக்கடையில் ஊழியராக வேலை செய்து வருகிறார். சம்பவத்தன்று இவர் தனது மகனுடன் மோட்டார் சைக்கிளில் கோவை-அவினாசி சாலையில் சித்ரா சிக்னல் அருகே சென்று கொண்டு இருந்தார்.

அப்போது பின்னால் மோட்டார் சைக்களில் வந்த 2 பேர் திடீரென்று ஹேமலதா கழுத்தில் கிடந்த 7 பவுன் நகையை பறித்துவிட்டு மின்னல் வேகத்தில் தப்பிச்சென்றனர். இது குறித்த புகாரின்பேரில் பீளமேடு போலீசார் வழக்குப்பதிவு செய்து விசாரணை நடத்தி வருவதுடன், தலைமறைவான 2 பேரையும் வலைவீசி தேடி வருகிறார்கள்.