சாராயம் விற்ற பெண் கைது

சிக்கல்:

கீழ்வேளூர் போலீஸ் சரகம் சங்கமங்கலம் பகுதியில் போலீசார் ரோந்து பணியில் ஈடுபட்டனர். அப்போது சங்கமங்கலம் வடக்கு தெருவில் சந்தேகப்படும் வகையில் நின்று கொண்டிருந்த பெண் ஒருவரை பிடித்து விசாரணை நடத்தினர். இதில் அவர், அதே பகுதியை சேர்ந்த ராஜேந்திரன் மனைவி இந்திராணி (வயது 60) என்பதும், இவர் அந்த பகுதியில் சாராயம் விற்றதும் தெரியவந்தது. இதுகுறித்து கீழ்வேளூர் போலீசார் வழக்குப்பதிவு செய்து இந்திராணியை கைது செய்தனர். மேலும் அவரிடம் இருந்து 110 லிட்டர் சாராயத்தை பறிமுதல் செய்தனர்.