சாராயம் விற்ற பெண் கைது

மணல்மேடு:

மணல்மேடு அருகே உள்ள பூதங்குடி பகுதியில் சாராயம் விற்பனை செய்யப்படுவதாக மணல்மேடு போலீசாருக்கு தகவல் கிடைத்தது. அதன் பேரில் மணல்மேடு போலீஸ் சப்-இன்ஸ்பெக்டர் அறிவழகன் மற்றும் போலீசார் சம்பவ இடத்திற்கு வந்தனர். அப்போது ஆண்டவர் நகர் பகுதியில் வசித்துவரும் செல்வமணி மனைவி லதா (வயது45) என்பவரது வீட்டின் பின்புறத்தில் சாராயம் விற்றது தெரியவந்தது. இதுகுறித்து போலீசார் வழக்குப்பதிவு செய்து லதாவை கைது செய்து அவரிடம் இருந்து 110 லிட்டர் சாராயத்தை பறிமுதல் செய்தனர்.