பா.ஜ.க.வில் பெண்கள் பாதுகாப்பாக இருக்கிறார்கள்

ெவள்ளலூர்

நானும் கட்சியில் தான் உள்ளேன். பா.ஜ.க.வில் பெண்கள் பாதுகாப்பாக இருக்கிறார்கள் என்று நடிகை குஷ்பு கூறினார்.

ரேக்ளா வண்டியில் குஷ்பு

பா.ஜ.க. சார்பில் நம்ம ஊர் பொங்கல் திருவிழா வெள்ளலூரில் நேற்று நடைபெற்றது. இதில் பா.ஜ.க. தேசிய குழு உறுப்பினர் நடிகை குஷ்பு கலந்து கொண்டார். அவர் அங்கு பெண்களுடன் சேர்ந்து பொங்கல் வைத்தார். பின்னர் அங்கு நடந்த நாட்டுப்புற கலைநிகழ்ச்சியில் பெண்களுடன் சேர்ந்து குஷ்பு பாடல் பாடி கும்மி அடித்து மகிழ்ச்சியை வெளிப்படுத்தினார்.

அதைத்தொடர்ந்து அவர் ரேக்ளா பந்தயத்தை தொடங்கி வைத்து, சிறிது தூரம் ரேக்ளா வண்டியில் பயணம் செய்தார். அப்போது அங்கு இருந்த பொதுமக்கள் குஷ்புவை செல்போனில் புகைப்படம், வீடியோ எடுத்து மகிழ்ந்தனர்.

பின்னர் நடிகை குஷ்பு நிருபர்களிடம் கூறியதாவது:-

பெண்களுக்கு பாதுகாப்பு

பொங்கல் பண்டிகையை கோவை மக்களுடன் சேர்ந்து கொண் டாடியது மகிழ்ச்சியாக உள்ளது. தமிழக அரசு பொங்கல் பரிசாக மக்களுக்கு ரூ.1000 மட்டுமே கொடுப்பது வெட்கக்கேடானது.

தமிழ் கலாசாரத்தை பாதுகாப்பதாக கூறி வரும் தி.மு.க. அரசு இவ்வளவு மோசமாக நடந்து கொள்ளக்கூடாது.

ராகுல்காந்தி மேற்கொள்ளும் பாதயாத்திரையில் கமல்ஹாசன் கலந்து கொண்டது அவரது கட்சியின் தனிப்பட்ட உரிமையாகும். பா.ஜ.க.வில் எல்லா பெண்களும் கட்சியை விட்டு போகவில்லை.

ஒரு சிலர் போவதால் பாதுகாப்பு இல்லை என்று கூறமுடியாது. பா.ஜ.க.வில் இருக்கும் அனைத்து பெண்களுக்கும் பாதுகாப்பு இருக்கிறது. அவர்கள் பாதுகாப்பாக உள்ளார்கள். நானும் கட்சியில் தானே இருக்கிறேன்.

வாரிசு-துணிவு

பா.ஜ.க. மாநில தலைவர் அண்ணாமலை துணிச்சலான தலைவர். துணிச்சலுடன் பல்வேறு முடிவுகளை எடுத்து வருவதால் அவரை பாராட்டுகிறேன். தமிழகம், தமிழ்நாடு என்று சொல்வ தில் எந்த தவறும் இல்லை.

நான் மும்பையில் பிறந்தாலும் தமிழச்சி தான். 36 ஆண்டுகளாக தமிழகத்தில் தான் உள்ளேன்.

இவ்வாறு அவர் கூறினார்.

அதைத்தொடர்ந்து பொங்கலுக்கு துணிவு படம் பார்ப்பீர்களா? வாரிசு படம் பார்ப்பீர்களா என நிருபர்கள் கேட்ட போது குஷ்பு, நான் பொங்கலுக்கு எங்கும் போகவில்லை. வீட்டில் தான் இருக்க போகிறேன். எந்த படத்திற்கு போவார்கள் என்பதை ரசிகர்களிடம் தான் கேட்க வேண்டும் என்றார்.