தொழிலாளி தூக்குப்போட்டு தற்கொலை

நாகர்கோவில்:

வடசேரி மேலபுத்தேரி பகுதியை சேர்ந்தவர் மூர்த்தி (வயது58), தொழிலாளி. இவர் கடந்த சில மாதங்களாக உடல்நலக்குறைவால் பாதிக்கப்பட்டு, ஆஸ்பத்திரியில் சிகிச்சையில் இருந்து வந்தார். ஆனாலும் அவருக்கு உடல் நிலை சரியாகவில்லை. இதனால் மனவேதனையடைந்த மூர்த்தி நேற்று காலை வீட்டில் தூக்குப்போட்டு தற்கொலை செய்து கொண்டார். இதுபற்றி வடசேரி போலீசாருக்கு தகவல் தெரிவிக்கப்பட்டது. உடனே சம்பவ இடத்துக்கு விரைந்து வந்த போலீசார் பிணத்தை கைப்பற்றி பிரேத பரிசோதனைக்காக ஆசாரிபள்ளம் அரசு ஆஸ்பத்திரிக்கு அனுப்பி வைத்தனர். மேலும் இச்சம்பவம் குறித்து வடசேரி போலீசார் வழக்குப்பதிவு செய்து விசாரணை நடத்தி வருகிறார்கள்.