தொழிலாளி தூக்குப்போட்டு தற்கொலை

புதுக்கடை:

புதுக்கடை அருகே உள்ள வண்ணான்விளையை சேர்ந்தவர் ஜான் செலஸ்தீன் (வயது53), தொழிலாளி. இவருக்கு இன்னும் திருமணம் ஆகவில்லை. இவர் நீண்ட நாட்களாக நோயால் அவதிப்பட்டு வந்தார். பல இடங்களில் சிகிச்சை பெற்றும் நோய் குணமாகவில்லை. இதனால் மனமுடைந்த ஜான் ெசலஸ்தீன் சம்பவத்தன்று வீட்டில் தூக்கில் தொங்கினார். இதைகண்ட உறவினர்கள் அவரை மீட்டு குழித்துறை அரசு மருத்துவமனையில் சிகிச்சைக்காக சேர்த்தனர். அங்கு அவரை பரிசோதித்த டாக்டர்கள் அவர் ஏற்கனவே இறந்து விட்டதாக தெரிவித்தனர். இதையடுத்து அவரது உடல் பிரேத பரிசோதனைக்காக அனுப்பி வைக்கப்பட்டது. இதுகுறித்த புகாரின் பேரில் புதுக்கடை போலீசார் வழக்குப்பதிவு செய்து விசாரணை நடத்தி வருகிறார்கள்.