லாரி மோதி உடல் நசுங்கி தொழிலாளி பலி

புதுக்கோட்டை மாவட்டம் கிள்ளுக்கோட்டை அம்மன் தெருவை சேர்ந்தவர் ஆறுமுகம் (வயது 45), கூலித்தொழிலாளி. இவர் நேற்று மதியம் கீரனூரில் இருந்து தனது வீட்டுக்கு மோட்டார் சைக்கிளில் சென்று கொண்டிருந்தார். சப்பாணிப்பட்டி என்ற இடத்தில் வந்தபோது எதிரே வந்த லாரி, மோட்டார் சைக்கிள் மீது பயங்கரமாக மோதியது. இதனால் பீதியடைந்த டிரைவர் அங்கிருந்து தப்பி ஓடினார். இந்த விபத்தில் படுகாயம் அடைந்த ஆறுமுகம் சம்பவ இடத்திலேயே உடல் நசுங்கி பரிதாபமாக இறந்தார். இதுகுறித்து தகவல் அறிந்த கீரனூர் போலீசார் சம்பவ இடத்திற்கு சென்று அவரது உடலை கைப்பற்றி பிரேத பரிசோதனைக்காக புதுக்கோட்டை அரசு மருத்துவமனைக்கு அனுப்பி வைத்தனர். மேலும் இந்த விபத்து குறித்து கீரனூர் போலீசார் வழக்குப்பதிவு செய்து தப்பி ஓடிய லாரி டிரைவரை வலைவீசி தேடி வருகின்றனர்.