தொழிலாளி, படித்துறையில் தடுமாறி விழுந்து சாவு

திருக்காட்டுப்பள்ளி

திருச்சி மாவட்டம் முசிறி அருகே உள்ள கோடியம்பாளையம் பள்ளிக்கூட தெருவை சேர்ந்தவர் பரமசிவம்(வயது40), தொழிலாளியான இவர் நேற்று சாமி கும்பிடுவதற்காக தஞ்சை மாவட்டம் பூதலூர் ஆனந்த காவேரி வாய்க்கால் கரையில் உள்ள அய்யனார் கோவிலுக்கு வந்தார். கோவிலுக்கு செல்வதற்கு முன்பாக அருகில் உள்ள ஆனந்த காவேரி வாய்க்காலில் படித்துறையில் இறங்கி குளித்தார். பின்னர் மேலே ஏறி வரும்போது நிலை தடுமாறி கீழே விழுந்தார். இதில் சம்பவ இடத்திலேயே அவர் பரிதாபமாக இறந்தார்.

இதுகுறித்து தகவல் அறிந்ததும் பூதலூர் போலீசார் சம்பவ இடத்திற்கு வந்து பரமசிவம் உடலை கைப்பற்றி திருவையாறு அரசு ஆஸ்பத்திரிக்கு பிரேத பரிசோதனைக்காக அனுப்பிவைத்தனர். இதுகுறித்து பூதலூர் போலீசார் வழக்குப்பதிவு ெசய்து விசாரணை நடத்தி வருகின்றனர்.