மோட்டார் சைக்கிள் மோதி தொழிலாளி பலி

மோட்டார் சைக்கிள் மோதல்

கரூர் மாவட்டம், தரகம்பட்டி அருகே உள்ள வையாளிமடை கிராமத்தை சேர்ந்தவர் ரத்தினகிரி (வயது 45). அதே பகுதியை சேர்ந்தவர் விக்னேஷ் குமார். இவர்கள் 2 பேரும் கூலித்தொழிலாளர்கள். இந்தநிலையில் சம்பவத்தன்று சொந்த வேலை நிமித்தமாக 2 பேரும் தரகம்பட்டிக்கு வந்தனர்.

பின்னர் அங்கு வேலையை முடித்து விட்டு தரகம்பட்டியில் இருந்து வையாளிமடைக்கு சாலையோரமாக நடந்து சென்று கொண்டிருந்தனர். அப்போது இவர்களுக்கு பின்னால் சிந்தாமணிப்பட்டியை சேர்ந்த முனியப்பன் என்பவர் ஓட்டி வந்த மோட்டார் சைக்கிள், ரத்தினகிரி மீது மோதியது.

பலி

இதில், தூக்கி வீசப்பட்ட ரத்தினகிரி பலத்த காயம் அடைந்தார். இதைக்கண்ட அந்த வழியாக சென்றவர்கள் படுகாயம் அடைந்த ரத்தினகிரியை மீட்டு சிகிச்சைக்காக மைலம்பட்டி அரசு மருத்துவமனைக்கு அனுப்பி வைத்தனர். அங்கு அவரை பரிசோதித்த டாக்டர்கள் ரத்தினகிரி ஏற்கனவே இறந்து விட்டதாக தெரிவித்தனர்.

இதையடுத்து அவரது உடல் பிரேத பரிசோதனைக்காக கரூர் அரசு மருத்துவக்கல்லூரி மருத்துவமனைக்கு அனுப்பி வைக்கப்பட்டன. இந்த விபத்து குறித்து ரத்தினகிரி மனைவி விஜயா ெகாடுத்த புகாரின்பேரில், சிந்தாமணிப்பட்டி போலீசார் வழக்குப்பதிந்து விசாரணை நடத்தி வருகின்றனர். சாலை விபத்தில் இறந்த ரத்தினகிரிக்கு 2 மகன்கள், ஒரு மகள் உள்ளனர் என்பது குறிப்பிடத்தக்கது.