சரக்குவேன் மோதி தொழிலாளி பலி

கறம்பக்குடி சேவுகன் தெருவை சேர்ந்தவர் மகேந்திரன் (வயது 40), தொழிலாளி. இவர் நேற்று தனது மோட்டார் சைக்கிளில் கல்லாக்கோட்டைக்கு சென்று சரக்கு வேனில் சிமெண்டு கற்களை ஏற்றிவிட்டு அதன் பின்னால் மோட்டார் சைக்கிளில் சென்று கொண்டிருந்தார். மருதன் கோன்விடுதி அருகே சென்றபோது சரக்கு வேனை முந்த முயன்றார். அப்போது எதிர்பாராதவிதமாக சரக்குவேன் மீது மோட்டார் சைக்கிள் மோதியது. இதில் மகேந்திரன் வேனில் பின் சக்கரத்தில் சிக்கி படுகாயமடைந்தார். இதைக்கண்ட அப்பகுதி மக்கள் மகேந்திரனை மீட்டு ரெகுநாதபுரம் அரசு ஆரம்ப சுகாதார நிலையத்துக்கு அனுப்பி வைத்தனர். பின்னர் அவர் மேல் சிகிச்சைக்கு 108 ஆம்புலன்ஸ் மூலம் தஞ்சாவூர் மருத்துவக்கல்லூரி மருத்துவமனைக்கு கொண்டு செல்லப்பட்டார். அங்கு அவரை பரிசோதித்த டாக்டர்கள் மகேந்திரன் வழியிலேயே இறந்துவிட்டதாக தெரிவித்தனர். இந்த விபத்து குறித்து கறம்பக்குடி போலீசார் சரக்குவேன் டிரைவர் கருப்பக்கோன் தெருவைச் சேர்ந்த ரகுநாதன் என்பவர் மீது வழக்குப்பதிவு செய்து விசாரணை நடத்தி வருகின்றனர்.