கோத்தகிரி ஜூட்ஸ் பள்ளியில் உலக பிளாஸ்டிக் ஒழிப்பு தினம்

கோத்தகிரி

சர்வதேச பிளாஸ்டிக் ஒழிப்பு தினத்தையொட்டி கோத்தகிரி ஜூட்ஸ் பள்ளியில் விழிப்புணர்வு நாடகம் மற்றும் கலைநிகழ்ச்சிகள் நடைபெற்றன. பள்ளி தாளாளர் தன்ராஜ் அறிவுறுத்தலின் படி, நிர்வாக இயக்குநர் சம்ஜித் தன்ராஜ் முன்னிலையில் ஜூட்ஸ் பள்ளி வளாகத்தில் நடைபெற்ற நிகழ்ச்சியில் பிளாஸ்டிக் பொருட்களை பொது இடங்கள், விவசாய நிலங்கள் மற்றும் நீர் நிலைகளில் வீசி எறிவதால் ஏற்படும் விளைவுகள், சுற்றுச் சூழல் சீர்கேடுகள் குறித்து விழிப்புணர்வு நாடகம் மற்றும் பாடல்கள் மூலம் மாணவ-மாணவிகள் விழிப்புணர்வை ஏற்படுத்தினர்.

நிகழ்ச்சியில் பள்ளி முதல்வர் சரோ தன்ராஜ், துணை முதல்வர் சிவகுமார் ஆகியோர் மாணவர்களால் தயாரிக்கப்பட்ட காகித பைகளை பார்வையாளர்களுக்கு வழங்கினர். முன்னதாக ஆசிரியை ஆஷா வரவேற்றார். முடிவில் மாணவி ஸ்ரீ ஆதிரா நன்றி கூறினார்.