திருச்செங்கோடு

திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின் தலைமையகத்தில் மஞ்சள் ஏலம் நடைபெற்றது. இதில் விரலி மஞ்சள் ரகம் குவிண்டாலுக்கு ரூ.11 ஆயிரத்து 222 முதல் ரூ.16 ஆயிரத்து 859 வரையிலும், கிழங்கு மஞ்சள் ரகம் குவிண்டாலுக்கு ரூ.10 ஆயிரத்து 503 முதல் ரூ.13 ஆயிரத்து 812 வரையிலும், பனங்காளி மஞ்சள் ரகம் குவிண்டாலுக்கு ரூ.11,091 முதல் ரூ.16 ஆயிரத்து 809 வரையிலும் விலை போனது. மொத்தம் 800 மஞ்சள் மூட்டைகள் ரூ.60 லட்சத்துக்கு விற்பனை ஆனதாக அதிகாரிகள் தெரிவித்தனர்.