விக்கிரவாண்டி அருகே இளம்பெண் தூக்குப்போட்டு தற்கொலை

விக்கிரவாண்டி,

தற்கொலை

விக்கிரவாண்டி அடுத்த நாரசிங்கனூர் கிராமத்தை சேர்ந்தவர் டேவிட். இவரது மனைவி அமலா (வயது 32). இந்த தம்பதிக்கு 2 மகன்கள் உள்ளனர். இந்த நிலையில் நேற்று முன்தினம் இரவு வீட்டில் அமலா தூக்குப்போட்டு தற்கொலை செய்துகொண்டார்.

இதுபற்றி அறிந்ததும் சம்பவ இடத்திற்கு விரைந்து வந்து கஞ்சனூர் போலீசார் தற்கொலை செய்து கொண்ட அமலாவிடம் உடலை பார்வையிட்டு அக்கம் பக்கத்தினரிடம் விசாரணை நடத்தினர்.

தொடர்ந்து அவரது உடலை கைப்பற்றி பிரேத பரிசோதனைக்காக முண்டியம்பாக்கம் அரசு ஆஸ்பத்திரிக்கு அனுப்பி வைத்தனர்.

சாவில் சந்தேகம்

இதுகுறித்து அமலாவின் தம்பி தினகரன் தனது அக்காள் சாவில் சந்தேகம் இருப்பதாக கஞ்சனூர் போலீஸ் நிலையத்தில் புகார் அளித்தார்.

அதன்பேரில் போலீசார் வழக்குப்பதிவு செய்து விசாரணை நடத்தி வருகின்றனர்.