பெண்ணை தாக்கிய வாலிபர் கைது

அம்மாப்பேட்டை:

அம்மாப்பேட்டை ஒன்றியம், அருந்தவபுரம் ஊராட்சி காந்திகிராமம் வடக்கு தெருவில் வசித்து வருபவர் கோவிந்தன். இவரது மகள் பரமேஸ்வரி (வயது23). இவர் அம்மாப்பேட்டையில் உள்ள ஒரு ஜவுளி கடையில் வேலை பார்த்து வருகிறார். சம்பவத்தன்று பரமேஸ்வரி வேலை முடித்து வீட்டுக்கு சென்று கொண்டிருந்தார். அப்போது அதே பகுதியை சேர்ந்த சின்னையன் மகன் அஜீத் (24) என்பவர் அவரை வழிமறித்து கேலி செய்தார். இதுகுறித்து அவர் தனது உறவினர்களிடம் கூறினார். இதையடுத்து பரமேஸ்வரி தாய் அஜீத்தை கண்டித்துள்ளார். இதனால் ஆத்திரமடைந்த அஜீத், பரமேஸ்வரியை தாக்கினார். இதுகுறித்து பரமேஸ்வரி கொடுத்த புகாரின் பேரில் அம்மாப்பேட்டை போலீசார் வழக்குப்பதிவு செய்து அஜீத்தை கைது செய்து விசாரணை நடத்தி வருகின்றனர்.