பசு மாடுகளை திருடிய வாலிபர் கைது

கபிஸ்தலம்

சுவாமிமலை அருகே உள்ள உத்திரை கிராமம் மெயின் ரோட்டில் வசிப்பவர் கணேசன் மனைவி லலிதா(வயது45). விவசாயி. இவரது வீட்டின் பின்புறம் கட்டி இருந்த 2 பசுமாடுகளை மர்ம நபர்கள் திருடி சென்று விட்டனர். இதுகுறித்து லலிதா சுவாமிமலை போலீஸ் நிலையத்தில் புகார் கொடுத்தார். புகாரின் பேரில் சுவாமிமலை போலீஸ் இன்ஸ்பெக்டர் சிவசெந்தில்குமார் மற்றும் போலீசார் வழக்குப்பதிவு செய்து பசு மாடுகளை திருடி சென்ற மர்ம நபர்களை தேடி வந்தனர். விசாரணையில், இன்னம்பூர் செம்மலை பகுதியை சேர்ந்த மதுசூதனன்(வயது33), லோகநாதன் ஆகியோர் பசுமாடுகளை திருடியது தெரியவந்தது. இதையடுத்து மதுசூதனனை போலீசார் கைது செய்து அவரிடம் இருந்து பசு மாடுகளை மீட்டு லலிதாவிடம் ஒப்படைத்தனர். ேமலும் தலைமறைவாக உள்ள லோகநாதனை தேடிவருகின்றனர்.