கத்தியைக்காட்டி பெண்ணை மிரட்டிய வாலிபர் கைது

குறிஞ்சிப்பாடி

குறிஞ்சிப்பாடி சுப்பராயர் கோவில் தெருவை சேர்ந்தவர் தனபால் மனைவி சின்னப்பொண்ணு(வயது 50). இவருக்கும் இவரது பக்கத்து வீட்டை சேர்ந்த குமார் மகன் சூர்யா(23) என்பவருக்கும் இடையே இடப்பிரச்சினை தொடர்பாக முன்விரோதம் இருந்து வருகிறது.

இந்த நிலையில் சம்பவத்தன்று சின்னபொண்ணுவிடம் தகராறு செய்த சூர்யாவை சின்னபொண்ணுவின் மகள் சந்திரா தட்டிக் கேட்டுள்ளார். இதனால் ஆத்திரமடைந்த சூர்யா அவரது உடையை பிடித்து இழுத்து, மறைத்து வைத்திருந்த கத்தியால் அங்கிருந்த மோட்டார் சைக்கிளை அடித்து சேதப்படுத்தி கொலை மிரட்டல் விடுத்ததாக கூறப்படுகிறது. இது குறித்து சந்திரா கொடுத்த புகாரின் பேரில் குறிஞ்சிப்பாடி போலீசார் வழக்குப்பதிவு செய்து சூர்யாவை கைது செய்தனர்.