கஞ்சா வைத்திருந்த வாலிபர் கைது

தஞ்சாவூர்;

தஞ்சை நாஞ்சிக்கோட்டை சாலையில் கஞ்சா விற்பனை நடப்பதாக தெற்கு போலீசாருக்கு ரகசிய தகவல் கிடைத்தது. அதன்பேரில் போலீஸ் இன்ஸ்பெக்டர் போதுமணி மற்றும் போலீசார் அந்த பகுதியில் ரோந்து பணியில் ஈடுப்பட்டனர். அப்போது அண்ணாநகர் பகுதியில் சந்தேகப்படும் வகையில் நின்று கொண்டிருந்த ஒருவரை பிடித்து விசாரணை நடத்தினர். விசாரணையில் அவர் அதே பகுதியை சேர்ந்த அருண்பிரசாத் (வயது 23) என்பதும், விற்பனைக்காக 350 கிராம் கஞ்சா வைத்திருந்ததும், தெரிய வந்தது. இதுகுறித்து வழக்குப்பதிவு செய்த போலீசார் அருண்பிரசாத்தை கைது செய்து அவரிடம் இருந்து கஞ்சா, ரூ.13 ஆயிரம் மற்றும் செல்போனை பறிமுதல் செய்தனர்.