<
‘அ.தி.மு.க.வுடன் தொகுதி பங்கீடு பேச்சுவார்த்தையில் இழுபறி இல்லை’ - பா.ஜ.க. தலைவர் எல்.முருகன்
அ.தி.மு.க.வுடன் நடந்து வரும் தொகுதி பங்கீடு பேச்சுவார்த்தையில் எந்தவித இழுபறியும் இல்லை என்று தமிழக பா.ஜ.க. தலைவர் எல்.முருகன் கூறினார்.
சென்னை,
சென்னை தியாகராயநகரில் உள்ள பா.ஜ.க. தலைமை அலுவலகத்தில் மாநில தலைவர் எல்.முருகன் தலைமையில் முன்னாள் ஐ.ஏ.எஸ். அதிகாரி எம்.விஜயகுமார் பா.ஜ.க.வில் தன்னை இணைத்து கொண்டார். அவருக்கு உறுப்பினர் அட்டை வழங்கப்பட்டது.
பின்னர் பா.ஜ.க. தலைவர் எல்.முருகன் செய்தியாளர்களிடம் கூறியதாவது:-
அ.தி.மு.க. தலைமையுடன் இன்று (நேற்று) தான் பேச்சுவார்த்தையை தொடங்கி உள்ளோம். இதில் எந்த ஒரு இழுபறியும் கிடையாது. எத்தனை தொகுதிகளில் போட்டியிடுகிறோம் என்பது குறித்து ஓரிரு நாட்களில் முறையாக அறிவிப்போம். சட்டசபையில் பாரதீய ஜனதா கட்சியை சேர்ந்த சட்டமன்ற உறுப்பினர்கள் இரட்டை இலக்க எண்ணிக்கையில் இருப்பார்கள்.
அ.தி.மு.க. கூட்டணியில் அ.ம.மு.க. இணைய வேண்டும் என்று பா.ஜ.க. தலைமை ஒன்றும் கூறவில்லை. இணைவது குறித்து நான் எதுவும் கூற முடியாது. அவர்கள் விருப்பம், முடிவு செய்து அறிவிக்கட்டும். பெட்ரோல், டீசல் விலை உயர்வு நிரந்தரம் கிடையாது என்பதால் தேர்தலில் இது எந்தவகையிலும் பாதிக்காது. 2019-ம் ஆண்டில் போடப்பட்ட கூட்டணி தற்போது தொடர்கிறது.
இவ்வாறு அவர் கூறினார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
