கொளத்தூர் தொகுதியில் வேட்புமனு தாக்கல் செய்தார் திமுக தலைவர் முக ஸ்டாலின்

சென்னை,


திமுக கூட்டணியில் இடம்பெற்றுள்ள கட்சிகளுக்கு தொகுதி பங்கீடு முடிவடைந்துள்ளது. கூட்டணி கட்சிகளுக்கு ஒதுக்கப்பட்டது தவிர்த்து மொத்தம் 173 தொகுதிகளில் திமுக போட்டியிடுகிறது.

திமுக தலைவரான முக ஸ்டாலின் கொளத்தூர் தொகுதியில் 3-வது முறையாக போட்டியிடுகிறார். கொளத்தூர் தொகுதியில் போட்டியிடுவதற்கான வேட்புமனுவை திமுக தலைவர் முக ஸ்டாலின் இன்று தாக்கல் செய்தார். அயனாவரம் அலுவலகத்தில் அவர் தனது வேட்புமனுவை தாக்கல் செய்தார்.

வேட்புமனு தாக்கலுக்கு பின்னர் திமுக தலைவர் முக ஸ்டாலின் ஊர்வலமாக சென்றார். சாலையில் திரண்ட ஏராளமான தொண்டர்கள் முக ஸ்டாலினுக்கு உற்சாக வரவேற்பு அளித்தனர். இதன் பின் முக ஸ்டாலின் இன்று திருவாரூர் சென்று அங்கு பிரசாரம் மேற்கொள்கிறார்.