<
"எடப்பாடி பழனிசாமி ஆட்சியில் யாரும் நிம்மதியாக இல்லை" - திமுக தலைவர் ஸ்டாலின் பேச்சு
"எடப்பாடி பழனிசாமி ஆட்சியில் யாரும் நிம்மதியாக இல்லை" என்று தேர்தல் பிரசார நிகழ்ச்சியில் திமுக தலைவர் முக ஸ்டாலின் தெரிவித்துள்ளார்.
கிருஷ்ணகிரி,
தமிழகத்தில் ஏப்ரல் 6-ம் தேதி ஒரே கட்டமாக சட்டசபை தேர்தல் நடைபெற உள்ளது. தேர்தலில் பதிவாகும் வாக்குகள் மே 2-ம் தேதி எண்ணப்பட்டு அன்றே முடிவுகள் அறிவிக்கப்படுகிறது.
தேர்தல் களத்தில் அதிமுக கூட்டணி, திமுக கூட்டணி, அமமுக கூட்டணி, மக்கள் நீதி மய்யம் கூட்டணி, நாம் தமிழர் கட்சி என்று 5 முனை போட்டி நிலவுகிறது. சுயேச்சை வேட்பாளர்கள் பலரும் போட்டி களத்தில் குதித்துள்ளனர். தேர்தல் தேதி நெருங்கி வருவதால் அரசியல் கட்சிகள் தீவிர தேர்தல் பிரசாரத்தில் ஈடுபட்டு வருகின்றன.
இந்நிலையில், திமுக தலைவர் முக ஸ்டாலின் கிருஷ்ணகிரி மாவட்டத்தில் இன்று தேர்தல் பிரசாரத்தில் ஈடுபட்டு வருகிறார். கிருஷ்ணகிரி தொகுதி திமுக வேட்பாளர் செங்குட்டுவனை ஆதரித்து முக ஸ்டாலின் பிரசாரம் செய்து வருகிறார். அதேபோல், திமுக மற்றும் கூட்டணி கட்சி வேட்பாளர்களையும் ஆதரித்து அவர் பிரசாரத்தில் ஈடுபட்டு வருகிறார்.
பிரசாரத்தில் பேசிய முக ஸ்டாலின், அதிமுக ஆட்சியில் அரசு டெண்டர்களில் பல்வேறு முறைகேடுகள் நடந்துள்ளன. காவேரி உரிமையை பாதுகாக்கவோ, நீட் தேர்வை தடுக்கவோ அதிமுக அரசால் முடியவில்லை. எடப்பாடி பழனிசாமி ஆட்சியில் யாரும் நிம்மதியாக இல்லை’ என்றார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
