மாநில செய்திகள்

வாக்காளர்களிடம் முக கவசம் அணிய வலியுறுத்தியபடி ஓட்டு கேட்ட நடிகை ஸ்ரீபிரியா + "||" + Actress Sripriya asked voters to wear face masks

வாக்காளர்களிடம் முக கவசம் அணிய வலியுறுத்தியபடி ஓட்டு கேட்ட நடிகை ஸ்ரீபிரியா

வாக்காளர்களிடம் முக கவசம் அணிய வலியுறுத்தியபடி ஓட்டு கேட்ட நடிகை ஸ்ரீபிரியா
மக்கள் நீதி மய்யம் சார்பில் மயிலாப்பூர் தொகுதியில் போட்டியிடும் வேட்பாளர் நடிகை ஸ்ரீபிரியா, வாக்காளர்களிடம் முக கவசம் அணிய வலியுறுத்தியபடி ஓட்டு கேட்டார். அப்போது, டார்ச்லைட் வெளிச்சம் போல மக்களுக்கு ஒளியாக இருப்பேன் என பேசினார்.
சென்னை, 

மக்கள் நீதி மய்யம், அதன் கூட்டணி கட்சிகளின் வேட்பாளராக சென்னை மயிலாப்பூர் தொகுதியில் மக்கள் நீதி மய்யத்தின் செயலாளர் நடிகை ஸ்ரீபிரியா போட்டியிடுகிறார். அவர் வேட்பாளராக அறிவிக்கப்பட்டது முதல் தன்னுடைய தொகுதிக்கு உட்பட்ட பகுதிகளில் தீவிர பிரசாரம் மேற்கொண்டு வருகிறார்.

பி.எம்.தர்கா, புதுத்தெரு, பி.பி.சாலை, ரோட்டரி நகர், மெக்காபுரம், துவாரகா காலனி, கோகுலம் காலனி புதுத்தெரு, அப்பர்சாமி கோவில்தெரு, பாலகிருஷ்ண தெரு, சிவசாமி ரோடு, கல்லுக்காரன் தோட்டம், அப்பாதுரை தோட்டம், ராக்கியப்பன் தெரு உள்பட சில பகுதிகளில் நேற்று காலை பிரசாரம் மேற்கொண்டார்.

முக கவசம் அணிய வலியுறுத்தல்

பின்னர், கபாலீசுவரர் கோவில் அனைத்து மாடவீதிகள், சன்னதி தெரு, நடுத்தெரு, சோலையப்பன் தெரு, கேசவபெருமாள் கோவில் தெரு, புதுப்பள்ளி தெரு, காரணீசுவரர் பக்கோடா தெரு, கைலாசபுரம் 1 முதல் 5 தெரு வரை, ஆறுமுகம் பிள்ளை தெரு, நொச்சிக்குப்பம் உள்பட சில இடங்களில் பிற்பகல் மற்றும் மாலையில் வாக்குகள் சேகரித்தார்.

வாக்காளர்களை சந்தித்த ஸ்ரீபிரியா, ‘நீங்கள் ஆரோக்கியத்துடன் வாக்களிக்க வேண்டும். ஆகவே முக கவசம் அணியுங்கள். பாதுகாப்பாக இருங்கள்' என்று சொல்லியபடி ஓட்டு கேட்டார். அப்போது முக கவசம் அணியாதவர்களை பார்த்து, கண்டிப்பாக அணியும்படி அன்போடு வலியுறுத்தினார்.

மேலும், ‘சினிமாக்காரர் என்று எனக்கு ஓட்டு போடவேண்டாம். நான் செய்வேன் என்ற நம்பிக்கை இருந்தால் எனக்கு வாக்களியுங்கள். நான் வெற்றி பெற்று தொகுதிக்கு ஏதாவது செய்யாவிட்டால், மக்கள் நீதி மய்யத்தில் புகார் அளித்தால் என்னை நீக்கிவிடுவார்கள்' என்று கூறியும் வாக்குகள் கேட்டார்.

நியாயத்துக்காக போராடுவேன்

அதைத் தொடர்ந்து, தனது வெற்றிவாய்ப்பு குறித்து நிருபர்களிடம் ஸ்ரீபிரியா கூறுகையில், ‘எங்களுக்கு வெற்றிவாய்ப்புக்கான ஆதரவு அதிகம் இருக்கிறது. மயிலாப்பூர் மக்கள் நீதி மய்யத்தின் இடமாக அமையும் என்று நிச்சயமாக நம்புகிறேன். நான் ஒரு சண்டைக்காரி. நியாயத்துக்காக போராடுவேன். டார்ச்லைட் சின்னத்தில் வெற்றி பெற்று, டார்ச்லைட் வெளிச்சம் போல, மக்களின் தரத்தை உயர்த்த ஒளியாக இருப்பேன்' என்றார்.

தொடர்புடைய செய்திகள்

1. அறுவை சிகிச்சையில் குணமாகி மகளுடன் புகைப்படம் எடுத்த நடிகை ரோஜா
நடிகை ரோஜாவுக்கு கர்ப்ப பையில் கட்டி இருந்ததால் சில வாரங்களுக்கு முன்பு சென்னையில் உள்ள தனியார் ஆஸ்பத்திரியில் அனுமதிக்கப்பட்டார். அவருக்கு கர்ப்ப பையில் அறுவை சிகிச்சை செய்யப்பட்டு கட்டி அகற்றப்பட்டு உள்ளது.
2. ‘‘பெயர் மாற்றம் செய்யவில்லை’’ - நடிகை திரிஷா
நடிகை திரிஷா பெயர் மாற்றம் செய்து கொண்டதாக சினிமா வட்டாரத்தில் பரபரப்பாக பேசப்படுகிறது. ஆனால், ‘‘நான் பெயர் மாற்றம் செய்யவில்லை’’ என்று திரிஷா கூறுகிறார்.
3. புராண கதையில் நடிக்க சம்பளத்தை குறைத்த நடிகை சமந்தா
சகுந்தலை புராண கதை சினிமா படமாக தயாராகிறது. இந்த படத்தில் சகுந்தலையாக சமந்தா நடிக்கிறார்.
4. ஓட்டுபோட கட்சி கொடியுடன் காரில் வந்தார்: நடிகை குஷ்பு மீது மற்றொரு வழக்கு
ஓட்டுபோட கட்சி கொடியுடன் காரில் வந்தார்: நடிகை குஷ்பு மீது மற்றொரு வழக்கு போலீசார் நடவடிக்கை.
5. வித்தியாசமான வேடம் அமைவது அதிர்ஷ்டம் நடிகை ராஷி கன்னா
தமிழில் நயன்தாராவுடன் இமைக்கா நொடிகள் படத்தில் நடித்தவர் ராஷி கன்னா. ஜெயம் ரவி ஜோடியாக அடங்க மறு, விஷால் ஜோடியாக அயோக்யா, விஜய்சேதுபதியின் சங்கத்தமிழன் உள்ளிட்ட படங்களில் நடித்துள்ளார்.