புதுச்சேரி சட்டமன்ற தேர்தல்: என்.ஆர் காங்கிரஸ் அதிக இடங்களில் முன்னிலை

புதுச்சேரி, 

30 இடங்களை கொண்ட புதுச்சேரி சட்டமன்ற தேர்தலுக்கான வாக்குப்பதிவு கடந்த மாதம் 6-ந் தேதி நடந்தது. இதில் 81.70 சதவீத வாக்குகள் பதிவாகின. தேர்தல் நடந்து 24 நாட்களுக்கு பின் 6 மையங்களில் இன்று (ஞாயிற்றுக்கிழமை) காலை 8 மணிக்கு வாக்கு எண்ணிக்கை தொடங்கியது.  

வாக்கு எண்ணிக்கை தொடங்கிய சிறிது நேரத்தில் முன்னிலை நிலவரம் தெரியத்தொடங்கியது. தற்போதைய நிலவரப்படி என். ஆர் காங்கிரஸ் கூட்டணி 13 இடங்களிலும், காங்கிரஸ் கூட்டணி 6 இடங்களிலும் முன்னிலை வகிக்கிறது. மற்றவை 1 இடத்தில் முன்னிலை வகிக்கிறது. வாக்குகள் தொடர்ந்து எண்ணப்பட்டு வருகிறது. 

30 தொகுதிகளில் 9 தொகுதிகளுக்கு முடிவுகளை தேர்தல் ஆணையம் அறிவித்துள்ளது. அதில், 5 தொகுதிகளில் என்.ஆர். காங்கிரஸ், 3 தொகுதிகளில் பாஜக, 1 தொகுதியில் திமுக வெற்றிபெற்றுள்ளதாக தேர்தல் ஆணையம் அறிவித்துள்ளது. 2 தொகுதிகளில் என்.ஆர். காங்கிரஸ் கூட்டணி, 4 தொகுதிகளில் காங்கிரஸ்-திமுக கூட்டணி, 2 தொகுதிகளில் சுயேட்சைகள் முன்னிலையில் உள்ள்தாக தேர்தல் ஆணையம் தெரிவித்துள்ளது.