<
தடுப்பூசி பாதுகாப்பு 3 மாதங்களில் மங்குகிறது - ஆய்வுத்தகவல்
தடுப்பூசி பாதுகாப்பு 3 மாதங்களில் மங்குகிறது என்று ஆய்வில் தகவல் தெரிவிக்கப்பட்டுள்ளது.
லண்டன்,
இங்கிலாந்தில் ஆக்ஸ்போர்டு பல்கலைக்கழகமும், அஸ்ட்ராஜெனேகா மருந்து நிறுவனமும் இணைந்து உருவாக்கியுள்ள கொரோனா தடுப்பூசியினால் கிடைக்கிற பாதுகாப்பு, 2 டோஸ் செலுத்திமுடித்த 3 மாதங்களில் மங்க தொடங்கி விடுகிறது என்று இங்கிலாந்தில் மேற்கொள்ளப்பட்ட ஆய்வு முடிவு தெரிவிக்கிறது.
இதே தடுப்பூசியைத்தான் இந்தியாவில் புனேயில் சீரம் நிறுவனம், கோவிஷீல்டு என்ற பெயரில் தயாரித்து வழங்குகிறது. ஆக்ஸ்போர்டு, அஸ்ட்ராஜெனேகா தடுப்பூசியை செலுத்திக்கொண்ட ஸ்காட்லாந்தின் 20 லட்சம் பேர், பிரேசிலின் 4 கோடியே 20 லட்சம் பேர் தரவுகளை ஆய்வு செய்துதான் இந்த லேன்செட் பத்திரிகை ஆய்வுத்தகவல் வெளியாகி உள்ளது.
ஸ்காட்லாந்தில் இந்த தடுப்பூசியின் 2-வது டோஸ் செலுத்திக்கொண்ட பின்னர் 2 வாரங்களுடன் ஒப்பிடுகிறபோது, 5 மாதங்களான நிலையில் கொரோனா பாதித்து ஆஸ்பத்திரி சேர்க்கை அல்லது இறப்பு 5 மடங்கு அதிகரித்துள்ளதாக ஆய்வில் தெரிவிக்கப்பட்டுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
