குடமுழுக்கையொட்டி வேதபாராயணம்

திருவெண்காடு;

திருவெண்காடு அருகே நாங்கூரில் 108 வைணவ திவ்ய தேச கோவில்களில் ஒன்றான நாராயண பெருமாள் கோவில் உள்ளது. இந்த கோவில் குடமுழுக்கு நாளை (ஞாயிற்றுக்கிழமை) நடக்கிறது. இதையொட்டி நேற்று முன்தினம் யாகசாலை பூஜைகள் தொடங்கின. நேற்று காலை 3-ம் கால யாக பூஜையும், மாலை 4-ம் கால யாக பூஜையும் நடந்தது. இதில் நறுமணப் பொருள்கள் இடப்பட்டு பூர்ணாகுதி செய்யப்பட்டது. விழாவை முன்னிட்டு கோவில் ஸ்தலத்தார்கள் மற்றும் பட்டாச்சாரியார்கள் சுமார் 50-க்கும் மேற்பட்டோர் காவிரியில் இருந்து புனித நீரை கொண்டு வந்தனர். பின்னர் யாகசாலையில் வேதங்கள், திவ்ய பிரபந்தங்களை பாடி பெருமாளை வழிபட்டனர். நிகழ்ச்சியில் கோவில் நிர்வாக அதிகாரி அன்பரசன் மற்றும் திரளான பக்தர்கள் கலந்து கொண்டு சாமி தரிசனம் செய்தனர்.