தனது பழைய நாட்களை நினைவு கூர்ந்த சச்சின் தெண்டுல்கர்!

மும்பை,

இந்திய கிரிக்கெட் அணியின் முன்னாள் வீரரும் கிரிக்கெட் ஜாம்பவான் சச்சின் தெண்டுல்கர் தனது பழைய நாட்களை நினைவு கூர்ந்தார். 1992ம் ஆண்டு, யார்க்ஷயருடனான கவுண்டி கிரிக்கெட்டில் அவர் கொண்டிருந்த நிலைப்பாடு தான், ஆங்கில நிலைமைகளை நன்கு புரிந்துகொள்ள உதவியது என்பதை கூறியுள்ளார்.

தன்னுடைய இன்ஸ்டாகிராம் பதிவில், கிரிக்கெட் ஜாம்பவான் 19 வயதானவராக, யார்க்ஷயருடனான அவருடைய சிறப்பு ஒப்பந்தம் அவருக்கு வெளிப்பாடு பெற உதவியது என்று தெரியப்படுத்தினார். “எனது கவுண்டி கிரிக்கெட் நாட்களின் ஃப்ளாஷ்பேக்! 19 வயதான கிரிக்கெட் வீரராக, @Yorkshireccc-க்காக விளையாடுவது ஒரு சிறப்பு அம்சமாக இருந்தது, ஏனெனில் இது எனக்கு வளர்ச்சி பெற உதவியது மற்றும் ஆங்கில நிலைமைகளைப் பற்றிய நல்ல புரிதல் கிடைத்தது. விருப்பமான நினைவுகள்,” என்று சச்சின் டெண்டுல்கர் கூறியுள்ளார்.

 டெண்டுல்கர் டெஸ்ட் கிரிக்கெட்டில் நவம்பர் 15, 1989ம் ஆண்டு அறிமுகமானார். அதே ஆண்டில், டிசம்பர் 18ம் தேதி, அவர் தனது முதல் ஒருநாள் சர்வதேச போட்டியில் விளையாடினார் என்பது குறிப்பிடத்தக்கது.