கிரிக்கெட்

மூன்றாவது பேட்ஸ்மேனாக தோனி களமிறங்க வேண்டும்'- ரெய்னா விருப்பம் + "||" + Suresh Raina wants MS Dhoni to bat at number three for Chennai Super Kings in IPL 2020

மூன்றாவது பேட்ஸ்மேனாக தோனி களமிறங்க வேண்டும்'- ரெய்னா விருப்பம்

மூன்றாவது பேட்ஸ்மேனாக தோனி களமிறங்க  வேண்டும்'- ரெய்னா விருப்பம்
சென்னை சூப்பர் கிங்ஸ் அணியில் மூன்றாம் இடத்தில் தோனி களமிறங்கி விளையாட வேண்டும் என ரெய்னா தெரிவித்துள்ளார்.
லக்னோ,

கொரோனா பரவல் காரணமாக தள்ளிவைக்கப்பட்ட 13-வது ஐ.பி.எல். 20 ஓவர் கிரிக்கெட் போட்டி ஐக்கிய அரபு அமீரகத்தில் உள்ள துபாய், சார்ஜா, அபுதாபி ஆகிய இடங்களில் வருகிற 19-ந் தேதி முதல் நவம்பர் 10-ந் தேதி வரை நடைபெறுகிறது. இந்த போட்டிக்காக அமீரகம் சென்றுள்ள 8 அணிகளும் தங்களது பயிற்சியை தொடங்கி விட்டன. 

சென்னை சூப்பர் கிங்ஸ் அணியின் நட்சத்திர வீரரான சுரேஷ் ரெய்னா, கடந்த வாரம் தனிப்பட்ட காரணங்களுக்காக துபாயில் இருந்து நாடு திரும்பினார். ஐபிஎல் தொடர் முழுவதும் சுரேஷ் ரெய்னா பங்கேற்க மாட்டார் என்று தெரிவிக்கப்பட்டுள்ளது. 

ஐ.பி.எல் தொடர் ஆரம்பமானது முதல் கடந்த சீசன் வரை சென்னை அணிக்காக மூன்றாவது பேட்ஸ்மேனாக களம் இறங்கி பேட்டிங்கில் அசத்தியவர் ரெய்னா. இதனால், ரெய்னா இடத்தில் யார் இறங்குவார்கள் என்ற விவாதம் சென்னை சூப்பர் கிங்ஸ் அணியின் ரசிகர்கள் மத்தியில் எழுந்துள்ளது. 

இந்த நிலையில்,  சென்னை சூப்பர் கிங்ஸ் அணியில்  3-வது இடத்தில் தோனி இறங்க வேண்டும் என்று சுரேஷ் ரெய்னா விருப்பம் தெரிவித்துள்ளார். இது குறித்து ரெய்னா கூறுகையில், “ 3- வது இடமானது பேட்டிங் இன்னிங்சின் அஸ்திவாரம் என்றும் சொல்லலாம். அதனால் மூன்றாவது பேட்ஸ்மேனாக தோனி தான் ஆட வேண்டும். மூன்றாவது பேட்ஸ்மேனாக களம் இறங்கி சர்வதேச போட்டிகளில் விளையாடிய அனுபவமும் தோனிக்கு உள்ளது” என்றார். 

தொடர்புடைய செய்திகள்

1. இளம் வீரர்களுக்கு ஸ்பார்க் இல்லை எனக் கூறி விமர்சனத்துக்கு உள்ளாகும் தோனி
அணியில் இருக்கும் இளம் வீரர்களுக்கு போதிய உத்வேகம் இல்லை. அதனால்தான் அவர்களை களமிறக்கவில்லை என தோனி கூறியது விமர்சனத்துக்கு உள்ளாகி உள்ளது.
2. இளம் வீரர்களிடம் உத்வேகம் இல்லை என தோனி கூறுவதை ஏற்றுக்கொள்ள முடியாது -ஸ்ரீகாந்த்
தோனி சிறந்த வீரர் என்பதில் மாற்றுக் கருத்தில்லை. ஆனால் அவர் கூறுவதை எல்லாம் ஏற்றுக்கொள்ள முடியாது என ஸ்ரீகாந்த் கூறி உள்ளார்.
3. நீட் தேர்வு முடிவுகள் வரும் 16 ஆம் தேதி வெளியிடப்படும் என அறிவிப்பு
கொரோனாவால் நீட் தேர்வை தவறவிட்ட மாணவர்களுக்கு வரும் 14-ம் தேதி தேர்வு நடத்த அனுமதி அளித்து உச்ச நீதிமன்றம் உத்தரவிட்டுள்ளது
4. தோனியின் மகளுக்கு எதிராக மிரட்டல் விடுத்த 12ம் வகுப்பு மாணவர் கைது
மோசமான ஆட்டம் காரணமாக தோனியின் மகளுக்கு எதிராக மிரட்டல் விடுத்ததற்காக 12ம் வகுப்பு மாணவர் ஒரு கைது செய்யப்பட்ட்டு உள்ளார்.
5. ஐபிஎல் கிரிக்கெட் இன்று தொடங்குகிறது : டோனியின் ஆட்டத்தை காண ரசிகர்கள் ஆர்வம்
ஏறத்தாழ 400 நாட்களுக்குப் பிறகு டோனி, இன்று மீண்டும் கிரிக்கெட் களம் காண்கிறார்.