டோனியின் முடிவு வியப்பை தந்தது- சாம் கரண்

அபுதாபி,

ஐபிஎல் கிரிக்கெட் தொடரின் முதல் ஆட்டத்தில் நேற்று சென்னை சூப்பர் கிங்ஸ் அணியும் நடப்பு சாம்பியன் மும்பை இந்தியன்ஸ் அணியும் மோதின. இந்தபோட்டியில் சிறப்பான ஆட்டத்தை வெளிப்படுத்திய சென்னை சூப்பர் கிங்ஸ் அணி  5 விக்கெட்டுகள் வித்தியாசத்தில் வெற்றி பெற்றது. 

பரபரப்பாக நடைபெற்ற ஆட்டத்தில்,  சென்னை சூப்பர் கிங்ஸ் வீரர் சாம் கரண், அதிரடியாக ஆடி ஆட்டத்தின் போக்கை சென்னை அணிக்கு சாதகமாக்கினார். 6 பந்துகளில் 18 ரன்கள் விளாசி சென்னை அணியின் வெற்றிக்கு முக்கிய பங்காற்றிய சாம் கரண், போட்டிக்கு பிறகு பேசும் போது, “ சென்னை சூப்பர்கிங்ஸ் அணியின் கேப்டன் டோனி ஜீனியஸ்.  டோனியின் முடிவு எனக்கு வியப்பை அளித்தது. 

 18-வது ஓவரை  நாங்கள் இலக்கு வைத்தோம். சிக்சர் அடிக்க வேண்டும் அல்லது அவுட் ஆக வேண்டும் என்ற மன நிலையில் நான் சென்றேன். சில நேரங்களில் இது கைகொடுக்கும், சில நேரங்களில் பலனளிக்காது” என்றார்.