எஸ்.ஏ.20 ஓவர் லீக்; டாலா அபார பந்துவீச்சு..கேப்பிடல்ஸ் அணியை வீழ்த்தி சூப்பர் ஜெயன்ட்ஸ் அசத்தல் வெற்றி

டர்பன்,

தென் ஆப்பிரிக்கா 20 ஓவர் லீக் (எஸ்.ஏ.20 ஓவர் லீக்) தொடரின் 2வது சீசன் நடைபெற்று வருகிறது. இந்த தொடரில் நேற்று நடைபெற்ற லீக் ஆட்டத்தில் பிரிட்டோரியா கேப்பிடல்ஸ் - டர்பன் சூப்பர் ஜெயன்ட்ஸ் அணிகள் மோதின.

இந்த ஆட்டத்தில் முதலில் பேட்டிங் ஆடிய சூப்பர் ஜெயன்ட்ஸ் அணி நிர்ணயிக்கப்பட்ட 20 ஓவர்கள் முடிவில் 9 விக்கெட் இழப்புக்கு 174 ரன்கள் எடுத்தது. சூப்பர் ஜெயன்ட்ஸ் அணி தரப்பில் ப்ரீட்ஸ்கே 73 ரன்கள் எடுத்தார். கேப்பிடல்ஸ் அணி தரப்பில் டுபாவில்லன், சேனுரான் முத்துசாமி ஆகியோர் தலா 3 விக்கெட்டுகள் வீழ்த்தினர்.

இதையடுத்து 175 ரன்கள் எடுத்தால் வெற்றி என்ற இலக்குடன் களம் இறங்கிய கேப்பிடல்ஸ் அணி 20 ஓவர்கள் முடிவில் 9 விக்கெட் இழப்புக்கு 166 ரன்கள் மட்டுமே எடுத்தது. இதன் மூலம் 8 ரன் வித்தியாசத்தில் சூப்பர் ஜெயன்ட்ஸ் வெற்றி பெற்றது. கேப்பிடல்ஸ் தரப்பில் வில் ஜேக்ஸ் 41 ரன் எடுத்தார். சூப்பர் ஜெயன்ட்ஸ் தரப்பில் ஜூனியர் டாலா 5 விக்கெட்டுகள் வீழ்த்தினார்.