பெண்கள் பிரிமீயர் லீக்: டெல்லி அணிக்கு 148 ரன்கள் இலக்கு நிர்ணயித்தது குஜராத்

மும்பை,

முதலாவது மகளிர் பிரிமீயர் 'லீக்' 20 ஓவர் கிரிக்கெட் போட்டி மும்பையில் உள்ள பிரா போர்ன், நவி மும்பையில் இருக்கும் டி.ஒய்.பட்டேல் ஆகிய 2 மைதானங்களில் நடைபெற்று வருகிறது. இந்த நிலையில் 14-வது 'லீக்' ஆட்டம் மும்பையில் உள்ள பிரா போர்ன் மைதானத்தில் இன்று இரவு 7.30 மணிக்கு நடக்கிறது.

இதில் டெல்லி - குஜராத் அணிகள் மோதுகின்றன.இந்த போட்டிக்கான டாஸ் போடப்பட்டது. அதில் டாஸ் வென்ற டெல்லி அணியின் கேப்டன் பந்துவீச்சை தேர்வு செய்தார் .அதன்படி குஜராத் அணி முதலில் பேட்டிங் செய்தது.

20 ஓவர்கள் முடிவில் குஜராத் அணி 4 விக்கெட் இழப்பிற்கு 147 ரன்கள் எடுத்தது . அந்த அணியில் சிறப்பாக விளையாடிய லாரா வல்வார்ட் 57 ரன்களும் , ஆஷ்லே கார்ட்னர் 51 ரன்களும் எடுத்தனர்.

டெல்லி அணியில் ஜெஸ் ஜோனாசென் 2 விக்கெட்டுகள் வீழ்த்தினார். 148 ரன்கள் இலக்குடன் டெல்லி அணி விளையாடி வருகிறது.