ஐ.எஸ்.எல். கால்பந்து: பெங்களூரு அணியை வீழ்த்தியது ஈஸ்ட் பெங்கால்

கொல்கத்தா,

12 அணிகள் இடையிலான 10-வது இந்தியன் சூப்பர் லீக் (ஐ.எஸ்.எல்.) கால்பந்து தொடர் பல்வேறு நகரங்களில் நடைபெற்று வருகிறது. இந்த தொடரில் கொல்கத்தாவில் இன்று நடைபெற்ற போட்டியில் பெங்களூரு எப்.சி. - ஈஸ்ட் பெங்கால் அணிகள் மோதின.

விறுவிறுப்பாக நடைபெற்ற இந்த போட்டியில், ஈஸ்ட் பெங்கால் அணி சார்பில் சவுல் கிரெஸ்போ ஆட்டத்தின் 19-வது நிமிடத்திலும், கிளெய்ட்டன் சில்வா 73-வது நிமிடத்திலும் தலா ஒரு கோல் அடித்தனர். பெங்களூரு எப்.சி. அணி சார்பில் சுனில் சேத்ரி ஆட்டத்தின் 60-வது நிமிடத்தில் ஒரு கோல் அடித்தார்.

இந்த நிலையில் ஆட்டநேர முடிவில் ஈஸ்ட் பெங்கால் அணி 2-1 என்ற கோல் கணக்கில் பெங்களூரு எப்.சி. அணியை வீழ்த்தி வெற்றி பெற்றது.