ஆஸ்திரேலிய ஓபன் டென்னிஸ்: அஸரென்கா அரைஇறுதிக்கு தகுதி


ஆஸ்திரேலிய ஓபன் டென்னிஸ்: அஸரென்கா அரைஇறுதிக்கு தகுதி
x

image tweeted by @AustralianOpen

தினத்தந்தி 24 Jan 2023 10:32 PM GMT (Updated: 2023-01-25T04:20:55+05:30)

ஆஸ்திரேலிய ஓபன் டென்னிஸ் போட்டியில் ரைபகினா, அஸரென்கா ஆகியோர் அரைஇறுதிக்கு முன்னேறியுள்ளனர்.

மெல்போர்ன்,

'கிராண்ட்ஸ்லாம்' அந்தஸ்து பெற்ற ஆஸ்திரேலிய ஓபன் டென்னிஸ் திருவிழா மெல்போர்னில் நடந்து வருகிறது.

இதில் பெண்கள் ஒற்றையர் கால்இறுதி ஆட்டங்களில் விம்பிள்டன் சாம்பியனான எலினா ரைபகினா (கஜகஸ்தான்) 6-2, 6-4 என்ற நேர் செட்டில் ஆஸ்டாபென்கோவையும் (லாத்வியா), முன்னாள் நம்பர் ஒன் நட்சத்திரம் விக்டோரியா அஸரென்கா (பெலாரஸ்) 6-4, 6-1 என்ற செட் கணக்கில் தரவரிசையில் 3-வது இடத்தில் உள்ள ஜெசிகா பெகுலாவையும் (அமெரிக்கா) பதம் பார்த்து அரைஇறுதிக்கு முன்னேறினர்.

கலப்பு இரட்டையரில் இந்தியாவின் சானியா மிர்சா- ரோகன் போபண்ணா ஜோடியை எதிர்த்து ஆட இருந்த ஆஸ்டாபென்கோ (லாத்வியா) வெகா ஹெர்னாண்டஸ் (ஸ்பெயின்) ஆகியோர் திடீரென ஒதுங்கியதால் களம் இறங்காமலேயே சானியா- போபண்ணா இணை அரைஇறுதியை உறுதி செய்தது.


Next Story