ஆஸ்திரேலிய ஓபன் டென்னிஸ்; பல்கேரிய வீரர் கிரிகோர் டிமிட்ரோவ் அதிர்ச்சி தோல்வி

மெல்போர்ன்,

ஆண்டின் முதல் 'கிராண்ட்ஸ்லாம்' போட்டியான ஆஸ்திரேலிய ஓபன் டென்னிஸ் தொடர் மெல்போர்னில் நடைபெற்று வருகிறது. பல முன்னணி வீரர்,வீராங்கனைகள் பங்கேற்றுள்ள இந்த போட்டி, வருகிற 28-ந்தேதி வரை நடக்கவுள்ளது.

இந்நிலையில் இந்த தொடரில் இன்று நடைபெற்ற ஆண்கள் ஒற்றையர் பிரிவின் 3வது சுற்று ஆட்டம் ஒன்றில் பல்கேரியாவை சேர்ந்த முன்னணி வீரரான கிரிகோர் டிமிட்ரோவ் போர்ச்சுகல்லின் நுனோ போர்ஹெஸ் உடன் மோதினார்.

இந்த ஆட்டத்தின் முதல் செட்டை 7-6 (7-3) என போராடி கைப்பற்றிய டிமிட்ரோவ் அடுத்த மூன்று செட்களில் 4-6, 2-6, 6-7 (6-8) என்ற புள்ளிக்கணக்கில் தோல்வி அடைந்தார். இந்த வெற்றியின் மூலம் 4வது சுற்றுக்கு முன்னேறியுள்ள நுனோ போர்ஹெஸ் அந்த சுற்றில் ரஷிய வீரர் டேனியல் மெத்வதேவை எதிர்கொள்ள உள்ளார்.