ஆஸ்திரேலிய ஓபன் டென்னிஸ்; நோவக் ஜோகோவிச் அரையிறுதிக்கு முன்னேற்றம்

மெல்போர்ன்,

ஆண்டின் முதல் 'கிராண்ட்ஸ்லாம்' போட்டியான ஆஸ்திரேலிய ஓபன் டென்னிஸ் தொடர் மெல்போர்னில் நடைபெற்று வருகிறது. பல முன்னணி வீரர்,வீராங்கனைகள் பங்கேற்றுள்ள இந்த போட்டி, வருகிற 28-ந்தேதி வரை நடக்கவுள்ளது. தொடர் தற்போது விறுவிறுப்பான கட்டத்தை எட்டியுள்ளது.

இந்நிலையில் இந்த தொடரில் இன்று நடைபெற்ற ஆண்கள் ஒற்றையர் பிரிவின் காலிறுதி ஆட்டத்தில் செர்பியாவின் நோவக் ஜோகோவிச் அமெரிக்காவின் டெய்லர் பிரிட்ஸை எதிர்கொண்டார். இந்த ஆட்டத்தில் 7-6 (7-3), 4-6, 6-2, 6-3 என்ற செட் கணக்கில் டெய்லர் பிரிட்ஸை வீழ்த்தி ஜோகோவிச் அரையிறுதிக்கு முன்னேறினார்.