ஆஸ்திரேலிய ஓபன் டென்னிஸ்; ஆண்கள் இரட்டையர் பிரிவில் ரோகன் போபண்ணா இணை 3வது சுற்றுக்கு முன்னேற்றம்..!

மெல்போர்ன்,

ஆண்டின் முதல் 'கிராண்ட்ஸ்லாம்' போட்டியான ஆஸ்திரேலிய ஓபன் டென்னிஸ் தொடர் மெல்போர்னில் நடைபெற்று வருகிறது. பல முன்னணி வீரர்,வீராங்கனைகள் பங்கேற்றுள்ள இந்த போட்டி, வருகிற 28-ந்தேதி வரை நடக்கவுள்ளது.

இந்நிலையில் இந்த தொடரில் இன்று நடைபெற்ற ஆண்கள் இரட்டையர் பிரிவின் 2வது சுற்று ஆட்டம் ஒன்றில் இந்தியாவின் ரோகன் போபண்ணா, ஆஸ்திரேலியாவின் மேத்யூ எப்டன் ஜோடி ஆஸ்திரேலியாவின் ஜான் மில்மேன் - எட்வர்ட் வின்டர் இணையை எதிர்கொண்டது.

இந்த ஆட்டத்தில் 6-2, 6-4 என்ற செட் கணக்கில் போபண்ணா இணை ஆஸ்திரேலியாவின் ஜான் மில்மேன் - எட்வர்ட் வின்டர் இணையை வீழ்த்தி 3வது சுற்றுக்கு முன்னேறியது.