பீஜிங்,

சீனா ஓபன் சர்வதேச டென்னிஸ் போட்டி பீஜிங் நகரில் நடந்து வந்தது. இந்த தொடரில் பெண்கள் ஒற்றையர் பிரிவில் நேற்று நடைபெற்ற இறுதி ஆட்டத்தில் 6-ம்நிலை வீராங்கனையான கோகோ காப் (அமெரிக்கா), தரவரிசையில் 49-வது இடத்தில் உள்ள கரோலினா முச்சோவாவை (செக்குடியரசு) எதிர்கொண்டார்.

இதில் தொடக்கம் முதலே ஆதிக்கம் செலுத்திய கோகோ காப் 6-1, 6-3 என்ற நேர்செட்டில் முச்சோவாவை வீழ்த்தி சாம்பியன் பட்டத்தை தட்டிச் சென்றார். அவர் வென்ற 8-வது சர்வதேச பட்டம் இதுவாகும்.