டென்மார்க் ஓபன் பேட்மிண்டன்: தொடக்க சுற்றில் லக்‌ஷயா சென் வெற்றி

ஒடென்சி,

டென்மார்க் ஓபன் பேட்மிண்டன் போட்டி ஒடென்சி நகரில் நடந்து வருகிறது. இதில் நேற்று நடந்த ஆண்கள் ஒற்றையர் பிரிவு தொடக்க சுற்று ஆட்டம் ஒன்றில் இந்திய இளம் வீரர் லக்‌ஷயா சென் 21-16, 21-12 என்ற நேர்செட்டில் இந்தோனேஷியாவின் அந்தோணி சினிசுகா ஜின்டிங்கை தோற்கடித்து 2-வது சுற்றுக்குள் அடியெடுத்து வைத்தார்.

மற்றொரு ஆட்டத்தில் இந்திய வீரர் எச்.எஸ்.பிரனாய் 21-13, 22-20 என்ற நேர்செட்டில் சீனாவின் ஜாவ் ஜுன் பெங்கை விரட்டினார்.

பெண்கள் ஒற்றையர் பிரிவின் முதல் சுற்று ஆட்டம் ஒன்றில் இந்தியாவின் முன்னணி வீராங்கனை சாய்னா நேவால் 17-21, 21-19, 11-21 என்ற செட் கணக்கில் சீனாவின் ஜாங் யி மேனிடம் தோல்வி கண்டு வெளியேறினார்.