மான்டி கார்லோ டென்னிஸ்: சிட்சிபாஸ் சாம்பியன்

மான்டி கார்லோ,

களிமண் தரை போட்டியான மான்டி கார்லோ சர்வதேச டென்னிஸ் தொடர் மொனாக்கோவில் நடந்தது. இதில் நேற்று அரங்கேறிய ஆண்கள் ஒற்றையர் பிரிவின் இறுதிப்போட்டியில் கிரீஸ் வீரர் சிட்சிபாஸ், நார்வேயின் கேஸ்பர் ரூட்டை எதிர்கொண்டார்.

1 மணி 36 நிமிடம் நடந்த இந்த ஆட்டத்தில் தொடக்கம் முதலே ஆதிக்கம் செலுத்திய சிட்சிபாஸ் 6-1, 6-4 என்ற நேர் செட்டில் கேஸ்பர் ரூட்டை தோற்கடித்து 3-வது முறையாக சாம்பியன் பட்டத்தை கைப்பற்றினார். மகுடம் சூடிய சிட்சிபாசுக்கு ரூ.8¼ கோடியும், 2-வது இடம் பிடித்த கேஸ்பர் ரூட்டுக்கு ரூ.4½ கோடியும் பரிசுத் தொகையாக வழங்கப்பட்டது.