அமெரிக்க ஓபன் டென்னிஸ்; நம்பர் 1 மற்றும் நடப்பு சாம்பியன் இகா ஸ்வியாடெக் அதிர்ச்சி தோல்வி...!!

நியூயார்க்,

'கிராண்ட்ஸ்லாம்' அந்தஸ்து பெற்ற அமெரிக்க ஓபன் டென்னிஸ் தொடர் நியூயார்க் நகரில் நடந்து வருகிறது. இதன் பெண்கள் ஒற்றையர் பிரிவின் 4-வது சுற்று ஆட்டம் ஒன்றில் நடப்பு சாம்பியன் மற்றும் நம்பர் 1 வீராங்கனையான போலந்து நாட்டை சேர்ந்த இகா ஸ்வியாடெக் லாட்விய நாட்டை சேர்ந்த ஜெலினா ஓஸ்டபென்கோ உடன் மோதினார்.

இதில் முதல் செட்டை கைப்பற்றிய ஸ்வியாடெக் அடுத்த இரு செட்களில் அதிர்ச்சி தோல்வி அடைந்தார். 1 மணி நேரம் 48 நிமிடங்கள் நடந்த இந்த ஆட்டத்தில் ஜெலினா 3-6, 6-3 மற்றும் 6-1 என்ற செட் கணக்கில் வெற்றி பெற்று காலிறுதி சுற்றுக்கு முன்னேறியுள்ளார். காலிறுதியில் அவர் அமெரிக்க வீராங்கனை கோகோ காப் உடன் பலப்பரீட்சை நடத்த உள்ளார்.

இந்த தோல்வியின் மூலம் நடப்பு சாம்பியன் ஸ்வியாடெக் அமெரிக்க ஓபன் டென்னிஸ் தொடரில் இருந்து வெளியேறியுள்ளார்.