தென் ஆப்பிரிக்காவுக்கு எதிரான டெஸ்ட்: 5 விக்கெட்டுகளை வீழ்த்தி ஷர்துல் தாக்கூர் அபாரம்!

ஜோகன்னஸ்பெர்க்,

இந்தியா - தென் ஆப்பிரிக்கா அணிகள் இடையிலான 2-வது டெஸ்ட் போட்டி ஜோகன்னஸ்பெர்க்கில் உள்ள வான்டரெர்ஸ் மைதானத்தில் நடைபெற்று வருகிறது. முதுகுவலி காரணமாக இந்த டெஸ்ட் போட்டியில் இருந்து விராட் கோலி விலகியுள்ளார்.இதில், டாஸ் வென்ற இந்திய அணியின் கேப்டன் கேஎல் ராகுல் முதலில் பேட்டிங்கை தேர்வு செய்தார். இதையடுத்து, இந்திய அணி முதலில் பேட்டிங் செய்தது. 

இந்திய அணி முதல் இன்னிங்சில் 202 ரன்களுக்கு ஆல் அவுட் ஆனது. பொறுப்புடன் ஆடிய கேப்டன் கே எல் ராகுல் அரைசதம் அடித்து அசத்தினார். அவர் 50 ரன்கள் எடுத்து ஆட்டமிழந்தார்.ரவிச்சந்திரன் அஸ்வின் 46 ரன்கள் எடுத்தார்.

தென்னாப்பிரிக்க அணியில் மேர்கோ ஜேன்சண் 4 விக்கெட்டுகளையும், ரபாடா மற்றும் டுவானே ஒலிவியர் தலா 3 விக்கெட்டுகளையும் வீழ்த்தினர்.

இதனை தொடர்ந்து, 2ம் நாள் ஆட்டம் இன்று நடைபெற்று வருகிறது. 202 ரன்கள் பின்தங்கியுள்ள நிலையில், தென்னாப்பிரிக்க அணி தனது முதல் இன்னிங்சில் பேட்டிங் செய்தது. 

அதில் தென்னாப்பிரிக்க அணியில் மார்க்ரம் 7 ரன்களில் ஆட்டமிழந்தார்.கேப்டன் டீன் எல்கார் 28 ரன்களில் ஆட்டமிழந்தார். தனது அறிமுக போட்டியில் களமிறங்கிய கீகன் பீட்டர்சன் அரைசதம் அடித்து அசத்தினார். அவர் 62 ரன்களில் ஆட்டமிழந்தார். வான் டெர் டுசன் 1 ரன்னில் ஆட்டமிழந்தார்.உணவு இடைவேளை வரை, தென் அப்பிரிக்க அணி 4 விக்கெட்டுகள் இழப்பிற்கு 102 ரன்கள் எடுத்தது. 

அதனை தொடர்ந்து நடைபெற்ற ஆட்டத்தில், டெம்பா பவுமா அரைசதம் அடித்து அசத்தினார். அவர் 51 ரன்களில் ஆட்டமிழந்தார்.

இந்திய அணியில் ஷர்துல் தக்கூர் டெஸ்ட் கிரிக்கெட்டில் முதல் முறையாக 5 விக்கெட்டுகளை வீழ்த்தினார். முகமது ஷமி 2 விக்கெட்டை வீழ்த்தினார்.

தற்போது வரை தென் அப்பிரிக்க அணி 7 விக்கெட்டுகள் இழப்பிற்கு 191 ரன்கள் எடுத்து விளையாடி வருகிறது.தென் அப்பிரிக்க அணி இன்னும் 11 ரன்கள் பின் தங்கியுள்ளது.