ஜப்பானில் 6.1 ரிக்டரில் சக்திவாய்ந்த நிலநடுக்கம்

டோக்கியோ,

ஜப்பானின் வடக்கே அமைத்துள்ள ஹொக்கைடோவில் இன்று பிற்பகல் சக்திவாய்ந்த நிலநடுக்கம் ஏற்பட்டதாக அந்நாட்டு வானிலை ஆய்வு நிறுவனம் தெரிவித்துள்ளது. 6.1 ரிக்டர் அளவிலான இந்த நிலநடுக்கம், 20 கிமீ ஆழத்தில் ஏற்பட்டது என்றும், சுனாமி எச்சரிக்கை எதுவும் விடுக்கப்படவில்லை என்றும் அந்த நிறுவனம் தெரிவித்துள்ளது.

குஷிரோ, ஷிபெச்சா, ஹொன்ஷு ஆகிய நகரங்களில் நிலநடுக்கத்தின் தாக்கம் உணரப்பட்டது. நிலநடுக்கம் பல பகுதிகளில் வலுவான அதிர்வுகளை ஏற்படுத்தியதாகக் கூறப்படும் நிலையில், இதுவரை யாருக்கும் காயமோ அல்லது பொருட்சேதமோ ஏற்பட்டதாக தகவல்கள் இல்லை.