சினிமாவில் பாலியல் தொந்தரவு இருக்கிறதா? நடிகை சுவாசிகா ஓபன் டாக்

தமிழில் 'வைகை' படத்தின் மூலமாக சினிமா உலகில் அடியெடுத்து வைத்தவர் நடிகை சுவாசிகா. மலையாளத்தில் முன்னணி நடிகையாக இருக்கும் இவர், 'லப்பர் பந்து' படத்தில் தமிழ் ரசிகர்கள் மனதை கொள்ளைகொண்டார். தொடர்ந்து 'மாமன்', 'ரெட்ரோ' ஆகிய படங்களில் நடித்துள்ளார். தற்போது சூர்யாவின் 'கருப்பு' படத்தில் நடித்து முடித்திருக்கிறார்.

வெப்சீரிஸ், சினிமா என பிசியாக சுற்றி வரும் சுவாசிகா அண்மையில் பேட்டி அளித்தார். அப்போது அவரிடம் சினிமாவில் பெண்களுக்கு பாலியல் தொந்தரவு இருப்பதாக கூறப்படுகிறதே? என்று கேட்கப்பட்டது. இதற்கு பதில் அளித்த சுவாசிகா, “நான் 15 ஆண்டுகளாக சினிமாவில் இருக்கிறேன். இதுவரை அப்படி ஒரு பிரச்சினையை நான் சந்திக்கவில்லை. மேலும் சினிமாவில் மட்டுமே அல்ல, எல்லா துறைகளிலும் இந்த பிரச்சினை இருக்கிறது” என்று அவர் கூறினார்.