புதுச்சேரியில் இருந்து இன்று மாலை பெங்களூருவுக்கு இண்டிகோ விமானம் புறப்பட்டது. விமானம் மாலை 5.15 மணியளவில் ஓடுபாதையில் சென்று கொண்டிருந்தபோது தொழில்நுட்பக் கோளாறு ஏற்பட்டது. இதனையடுத்து விமானம் நிறுத்தப்பட்டு, சேவை ரத்து செய்யப்பட்டது.

ரத்து செய்யப்பட்ட விமானத்தில் பா.ஜ.க. தேசிய பொதுச்செயலர் தருண் சுக், நிர்மல் குமார் சுரானா, புதுச்சேரி அரசின் டெல்லி சிறப்பு பிரதிநிதி மல்லாடி கிருஷ்ணாராவ் உள்பட 70 பேர் இருந்தனர். விமானத்தில் ஏற்பட்ட கோளாறை சரிசெய்யும் பணியில் விமான நிலைய ஊழியர்கள் ஈடுபட்டனர்.