ஈரான் மீது இஸ்ரேல் நேற்று (வெள்ளிக்கிழமை) அதிகாலை தாக்குதல் நடத்தியது. இந்த தாக்குதலுக்கு பதிலடியாக இஸ்ரேல் மீது ஈரான் தாக்குதல் நடத்தி வருகிறது. இதனால் மத்திய கிழக்கில் பதற்றமான சூழ்நிலை நிலவி வருகிறது.

இந்நிலையில், காசா மீதான இஸ்ரேலின் தாக்குதல் கண்டிக்கத்தக்கது என்று தமிழக முதல்-அமைச்சர் மு.க.ஸ்டாலின் தெரிவித்துள்ளார். இது தொடர்பாக அவர் வெளியிட்ட எக்ஸ் பதிவில், “இஸ்ரேலின் இந்த வன்முறைப்பாதை நிச்சயம் கண்டிக்கத்தக்கது. இதற்கு கட்டுப்பாடு, நீதி மற்றும் அர்த்தமுள்ள ராஜதந்திரம் மூலம் முடிவுக்கு கொண்டுவர உலக நாடுகள் அழுத்தம் கொடுக்க வேண்டும். இனி போர் வேண்டாம்” என தெரிவித்துள்ளார்.