சொகுசு விடுதிக்குள் 6 நாட்கள் அடைத்து வைக்கப்பட்ட தொழிலாளி மீட்பு

கேரளா மாநிலம் பாலக்காட்டில் சொகுசு விடுதிக்குள் 6 நாட்களாக அடைத்து வைக்கப்பட்ட பழங்குடியினத்தைச் சேர்ந்த கூலி தொழிலாளி வெள்ளையன் என்பவரை காவல்துறையினர் மீட்டு மருத்துவமனையில் அனுமதிக்கப்பட்டுள்ளார். 6 நாட்களாக அவரை துன்புறுத்தி உணவு, தண்ணீர் எதுவும் வழங்காமல் அடைத்து வைத்திருந்த விடுதி உரிமையாளர் தலைமறைவாகியுள்ளார். அவர் மீது வழக்குப்பதிவு செய்து போலீசார் தேடிவருகின்றனர்.