தமிழக வெற்றிக் கழகத்தின் சின்னத்தை தேர்வு செய்ய அக்கட்சியின் தலைவர் விஜய் தீவிர ஆலோசனை நடத்தி வருவதாக தகவல் வெளியாகி உள்ளது. பொதுமக்களிடம் எளிதாக கொண்டு சேர்க்கும் வகையில் சின்னம் இருக்க வேண்டும் என்பதை கவனத்தில் கொண்டுள்ளதாக கூறப்படுகிறது. அரசியல் கட்சிகள் தேர்வு செய்ய 190 சின்னங்களை பட்டியலிட்டு வைத்துள்ளது தேர்தல் ஆணையம். அடுத்த ஆண்டு சட்டசபை தேர்தல் நடக்க உள்ள நிலையில் வரும் நவ. 5 முதல் 2026 மே வரை கட்சிகள் சின்னங்களுக்கு விண்ணப்பிக்கலாம் என்று கூறப்படுகிறது.