துணை ஜனாதிபதி ஜெகதீப் தன்கர் டெல்லி எய்ம்ஸ் மருத்துவமனையில் இருந்து டிஸ்சார்ஜ் செய்யப்பட்டார். உடல்நலக்குறைவு மற்றும் நெஞ்சு வலி காரணமாக டெல்லி எய்ம்சில் மார்ச்-9ல் அனுமதிக்கப்பட்டார். 

பாகிஸ்தான்: கிளர்ச்சிப் படையால் கடத்தப்பட்ட ஜாபர் விரைவு ரெயிலில் இருந்து 155 பேர் மீட்கப்பட்டுள்ளனர். பலூச் விடுதலைப் படையைச் சேர்ந்த 27 பேரை பாதுகாப்புப் படையினர் சுட்டுக்கொன்றனர். 400க்கும் மேற்பட்டோருடன் சென்ற ரெயிலை நேற்று கடத்தியது பலூச் விடுதலைப் படை.

இந்தியாவிலேயே கட்சித் தலைவராக பொறுப்பு ஏற்ற பின் நடைபெற்ற அனைத்து தேர்தல்களிலும் வெற்றி பெற்ற ஒரே தலைவர் முதல்-அமைச்சர் மு.க.ஸ்டாலின்தான் என்று சென்னையில் நடைபெற்ற திருமண விழாவில் துணை முதல-அமைச்சர் உதயநிதி ஸ்டாலின் கூறியுள்ளார்.

தமிழகத்தில் மயிலாடுதுறை, தஞ்சை, நாகை, திருவாரூர், புதுக்கோட்டை, ராமநாதபுரம், சிவகங்கை, விருதுநகர், குமரி, நெல்லை, தூத்துக்குடி, தென்காசி ஆகிய மாவட்டங்களில் மதியம் 1 மணி வரை மழைக்கு வாய்ப்பு உள்ளதாக சென்னை வானிலை ஆய்வு மையம் தெரிவித்துள்ளது.

நெல்லை, அகஸ்தியர் அருவி, மணிமுத்தாறு அருவிகளில் வெள்ளப்பெருக்கு காரணமாக சுற்றுலா பயணிகள் குளிக்க தடை விதிக்கப்பட்டுள்ளது.

தொகுதி மறுவரையறை தொடர்பாக ஆந்திர முன்னாள் முதல்-மந்திரி ஜெகன்மோகன் ரெட்டியை தமிழ்நாடு குழு சந்தித்துள்ளது. தெலுங்கு தேசம் கட்சியின் மாநிலத்தலைவர் பல்லா சீனிவாசராவையும் சந்தித்து அழைப்பு விடுக்கப்பட்டுள்ளது. தொகுதி மறுவரையறை தொடர்பான தென்மாநில அனைத்துக்கட்சி தலைவர்கள் கூட்டத்தில் பங்கேற்க அழைப்புவிடுக்கப்பட்டுள்ளது.

சென்னையில் ஆபரணத் தங்கத்தில் விலை சவரனுக்கு ரூ.360 உயர்ந்து, ஒரு சவரன் ரூ.64,520க்கும், ஒரு கிராம் ரூ.8,065க்கும் விற்பனை ஆகிறது.

மறைந்த நடிகை சவுந்தர்யாவின் மரணம் விபத்தல்ல கொலை என்று ஆந்திராவைச் சேர்ந்த சிட்டிமல்லு என்பவரின் புகாரால் சர்ச்சை எழுந்துள்ளது.

கன்னியாகுமரி, நாகர்கோவில், மதுரை, கள்ளக்குறிச்சி, தென்காசி, திருநெல்வேலி உள்ளிட்ட மாவட்டங்களில் மிதமான மழை பெய்து வருகிறது.